२०८१ मंसिर ९, आईतबार

सोह्र महिनामा चौथोपटक बिस्वासको मत लिए : प्रधानमन्त्री

बागमती छड्के १७७ पटक पढिएको प्रकाशित मिति: २०८१ जेष्ठ ७, सोमबार (६ महिना अघि)

काठमाडौं :- प्रधानमन्त्री पुष्पकमल दाहाल प्रचण्डले संसदमा पुनः विश्वासको मत प्राप्त गरेका छन्। १६ महिनामा प्रधानमन्त्रीले चौथोपटक विश्वासको मत प्राप्त गरेका हुन्।

संविधानको धारा एक सयको उपधारा दुई बमोजिम विश्वासको मत लिन प्रधानमन्त्री प्रचण्डले आजको बैठकमा प्रस्तुत गरेको प्रस्ताव बहुमतले स्वीकृत भएको छ ।

प्रतिनिधिसभाको आज बसेको बैठकमा प्रतिनिधिसभाको दोस्रो ठूला दल एमाले, आफ्नै नेतृत्वको माओवादी, उपप्रधानमन्त्री एवं गृहमन्त्री रवि लामिछाने नेतृत्वको राष्ट्रिय स्वतन्त्र पार्टी, माधवकुमार नेपाल नेतृत्वको नेकपा एकीकृत समाजवादी र अशोक राई नेतृत्वको जनता समाजवादीका सांसदले प्रधानमन्त्री प्रचण्डलाई विश्वासको मत प्रदान गरेका हुन् ।

एक सय ५८ सांसद मतदानमा सहभागी रहेकोमा प्रचण्डको पक्षमा एक सय ५७ मत पर्यो भने एक मत तटस्थ रह्यो ।

प्रतिनिसभाको सबैभन्दा ठूलो दल कांग्रेसले मतदानमा भाग लिएन । सहकारी ठगीसम्बन्धी छानबिनका लागि संसदीय छानबिन समिति गठनको लागि दबाब दिँदै आएको कांग्रेसले आज पूरै अवधि नारावाजी गरि संसद अवरुद्ध पार्न दबाब गरेको थियो ।

प्रतिक्रिया दिनुहोस