लाजनीति’

लाजनीति’ अरे! कुना कुनामा समृद्धिका कुरा गर्छौ भोट माग्न जाँदा

चुनाव सकिन्छ जनतालाई केही छैन तिमिले अरबौं खाँदा ।

निमुखाको जनस्वास्थ्यको ख्याल छैन कुर्सी कसरी बचाउने

तब!भाषणमा शक्तिशाली सरकार भन्दै दुनियाँलाई हँसाउने ।

आफन्तका पहुँचको खेल बाहेक राजनीतिले केही गरेन

गाउँ गाउँमा उपचार नपाई जनता मर्दा जिम्मेवार हुनु परेन ?

सिलान्यास र उद्घाटनमा प्रधानमन्त्री सांसदहरु खरिद बिक्री

विकास होस नहोस नेतालाई छैन हजुर कुनै कुराको फिक्री ।

हरे शिव!आफू बने आफ्नालाई बनाए फरक मतलाई दण्ड

अरे!यार हेरन,अझैपनि गर्दै छन् रे शक्ति उन्मादको घमण्ड !

प्रकृतिको सर्वश्रेष्ठ ठुलो मानिन्छ हामी मानवको जीवन

नेता ज्यु सायद केही समय नकाट्दा नी हुन्छ होला रिबन ।

खोइ! भ्रष्टाचार सकिएन नियन्त्रण गर्न जोगाउन सकिएला

कमिसन दिने रकमले स्वास्थ्य चौकिमा केही बेड थपिएला ।

संविधानमा मौलिक हक छ जनताले स्वास्थ्य सेवा पाउनुपर्ने

निमुखा जनता छटपटीमा पर्दा सरकार नै घरमा आउनुपर्ने ।

सधैं फुट्ने होईन जुटेर कुन कन्दरा बिकास गर्न पर्ने थियो

खोइ किन? यो देशको राजनीतिले जनतालाई धोका दियो ।

खोइ!किन? लाचार बन्दै गयो राजनिति जनमतको कदर छैन

कार्यकर्ता जमघट ठुलो देखाउने प्रतिष्पर्धा हुन थाल्यो होईन ?