पनौती नगरपालिका प्रकोप ब्यबस्थापन कोषमा ७५ लाख भन्दा बढी रुपैयाँ जम्मा।

काभ्रे :- पनौती नगरपालिका प्रकोप ब्यबस्थापन कोषमा ७५  लाख भन्दा बढी रुपैयाँ जम्मा भएको छ । पनौती नगरपालिकाको  कार्यालयले सार्वजनिक गरेको तथ्यांक अनुसार कोषमा ७५  लाख ५७ हजार ६ सय ३८ रुपैया जम्मा भएको छ । यो रकम हिजो असोज ३० गते सम्म दाखिला भएको रकम हो ।

२०८१ साल असोज १० देखि १२ गते सम्म परेको अविरल बर्षाका कारण पनौतीको बिभिन्न क्षेत्रमा भौतिक संरचना तथा मानबिय क्षेति उच्च भएको हुदा नगरले सहयोगको लागि आह्वान गरेको थियो । बाढि,पहिरोबाट पिडित व्यक्ति तथा परिवारको राहात एवम उद्धारको लागि पनौती नगरपालिकाले प्रकोप व्यवस्थापन कोष खडा गरिएको नगरपालिकाका मेयर रामशरण भण्डारीले जानकारी दिए ।

कोषमा संस्थागत एवं व्यक्तिगत तथा अन्य रूपमा हिजो सम्ममा धुलिखेल नगरपालिका,काठमाडौं महानगरपालिका,आन्तरिक मामिला तथा कानुन मन्त्रालय,बागमती प्रदेश सरकार,धुलिखेल अस्पताल,व्यक्तिगत,मिडिया लगाएत १ रुपैया देखि २५ लाख सम्म खातामा दाखिला गरेका छन्  नगरपालिकाको श्रोत अनुसार धुलिखेल खानेपानी उपभोक्ता समितिले २५ लाख दिने भनि निर्णय गरिसकेको भए पनि खातामा भने आउँन बाकि रहेको जनाएको छ उक्त रकम खातामा आएमा नगरपालिकाको प्रकोप ब्यबस्थापन कोषमा एक करोड भन्दा बढी रकम जम्मा हुने र अझै सहयोग रकम आउने क्रम जारि रहेको लेखा शाखाले जनाएको छ ।