महालेखा नियन्त्रण कार्यालयको निर्देशन,असार २४ भित्र भुक्तानी गरिसक्नु

महालेखा नियन्त्रण कार्यालयले चालु आर्थिक वर्ष २०७९/८० मा गर्नुपर्ने भुक्तानी असार २४ गतेभित्रै गरीसक्न निर्देशन दिएको छ। कार्यालयले सोमबार नै कोष तथा लेखा नियन्त्रक कार्यालय र प्रदेश लेखा नियन्त्रक कार्यालयलाई यस्तो निर्देशन दिएको हो।

आर्थिक कार्यविधि तथा वित्तीय उत्तर दायित्व नियमावली २०७७ अनुसार आर्थिक वर्ष समाप्त हुनु भन्दा ७ दिन अगाडि देखि  नै निकासा भुक्तानी नहुने र प्रणाली समेत बन्द हुने महालेखाले जनाएको छ। यसबीचमा नियमले निर्दिष्ट गरेको कामका लागि बाहेक सबै भुक्तानी बन्द हुने छ।

उक्त नियम स्थानीय तह र प्रदेशको हकमा समेत लागु हुने महालेखाले जनाएको छ।