कांग्रेसबाट सुरेन्द्र आचार्य मन्त्री नियुक्त

काठमाडौं :-  प्रधानमन्त्री पुष्पकमल दाहाल प्रचण्डले आज नेपाली कांग्रेसका सुरेन्द्र आचार्यलाई मन्त्री नियुक्त गरेका छन् । मन्त्री आचार्यको शपथ ग्रहण दिउँसो साढे १२ बजे शीतल निवासमा तय भएको प्रचन्डको  सचिवालयले जनाएको  छ ।

नेपाली कांग्रेसको सिफारिसमा प्रचण्डले आचार्यलाई महिला,बालबालिका तथा ज्येष्ठ नागरिक मन्त्रालयको जिम्मा दिएका हो । हाल महिला, बालबालिका तथा ज्येष्ठ नागरिक मन्त्रालय सम्हाल्दै आएका नेसपाका महिन्द्रराय यादवलाई भने वन तथा वातावरण वा खानेपानी मध्ये एक मन्त्रालयको जिम्मा दिइने छ । खानेपानी र वन मन्त्रालय प्रधानमन्त्री प्रचण्ड आफैंले सम्हाल्दै आएका छन् ।

नवनियुक्त मन्त्री आचार्य कपिलवस्तु क्षेत्र नम्बर २ बाट विजयी भएका थिए ।  आचार्य यसअघि सिंचाइ राज्यमन्त्रीसमेत बनेका थिए ।