रबि लामिछानेले आज विषेश पत्रकार सम्मेलन गर्दै ।

काठमाडौं :- राष्ट्रिय स्वतन्त्र पार्टी (रास्वपा) का सभापति रवि लामिछानेले आज  ‘विशेष पत्रकार सम्मेलन’ गर्न लागेका छन  पार्टीको केन्द्रीय समिति र संसदीय दलको संयुक्त बैठकपछि उनले विशेष पत्रकार सम्मेलन गर्न लागेका हुन् ।

‘पार्टीको बैठकले आज ठोस निर्णय लिन्छ त्यो आफ्नै ठाउँमा छ। त्यस लगत्तै  पार्टी कार्यालय बाट आज  म विषेश पत्रकार सम्मेलन गर्दैछु’, लामिछानेले सामाजिक सञ्जालमार्फत भनेका छन् ।

उनल सिङ्गो देश र विदेशमा रहने सबैले आजको पत्रकार सम्मेलन  हेरुन्, सुनुन् भन्ने आफूले चाहेको पनि बताएका छन् ।  उनले भनेका छन्, ‘सिधाकुरा नगरेको धेरै भएछ।’

राष्ट्रिय स्वतन्त्र पार्टीको बैठक आज  बिहान साढे ११ बजेपछि पार्टी कार्यालयमा बस्दैछ । बैठकले सरकारमा रहने कि नरहने भन्नेबारे निर्णय लिने बताइएको छ ।

यसअघि शनिबार बसेको बैठक निष्कर्ष विहीन भए पछी  आजका लागि सारिएको थियो । रास्वपाले गृह मन्त्रालयमा नछोड्ने  दाबी गर्दै आएको छ भने त्यो दिन प्रधानमन्त्री सकारात्मक नभएपछि सो पार्टी असन्तुष्ट भएको थियो  ।