काभ्रेमा बास्कोटाको चर्चै चर्चा ७० करोड देखि हेलिकप्टर सवार सम्म

      काभ्रे :– केही वर्ष अघि देखिको  ७० करोडक चर्चा सेलाउन नपाउदै काभ्रेका पूर्व सञ्चारमन्त्री गोकुल बास्कोटाको अहिले काभ्रेमा हेलिकप्टर चर्चाको बहस चल्न थालेको छ । बास्कोटा कार्तिक १३ गते शनिबार हेलिकप्टर मार्फत काभ्रेको नेकपा एमाले खानिखोला गाउँपालिकाको  प्रथम  अधिवेशनलाई सम्बोधन गर्न पुगेका थिए । हेलिकप्टरबाट खानीखोला पुगेका बास्कोटाको रवाफले आम  काभ्रेली मतदाता  तथा स्वयं  आफ्नै कार्यकर्ताहरु समेत बहसमा छन्। खानीखोला गाउँपालिकामा जानको लागि हेलिकप्टर प्रयोग गर्नै पर्ने बाध्यता कसरि आयो ?     बास्कोटालाइ नै थाहा होला तर  हेलिकप्टर सवारले साधारण नेतालाई कुन वर्गको रुपमा सम्बोधन गर्ने हो त्यो त आगामी चुनावले देखाउने   काभ्रेली जनताको भनाइ छ।पार्टीको एउटा मध्यम स्तरको नेता हेलिकप्टर चढेर पालिकास्तरको अधिवेशन उद्घाटन गर्न सवार हुन्छन भने यसले केही प्रश्न,केही जिज्ञासा र केही कौतुहलता पक्कै पनि आएको कार्यकर्ताहरुको भनाइ छ ।